| lyric | 1. Wie mänge Traum isch d‘Johr dur scho verfloge
we mänge Luftballon isch mer ab
we mängs Ideal hanget schief und verboge
we mängi Liebi isch de Fluss durab
We mängi Büüle häts scho a mim Chassis
we mängi Etikette, wo nüm chläbt
nid jedi Läbes - Charte chan en Ass si
aber schissebach: Ich ha gläbt !
Mir isch es wöhler bi de Käutz und Spinner
villicht fall ich dänn deet au nid so uff
Dä näb de Schuch hät mini Achtig glinner
und d'High Society, die stosst mir uff
2. Vo zwei komplett verchehrte Möglichkeite
wähl ich e dritti, no verchehrtri uus
loo mich vom Gspüüre statt vom Tänke leite
und lern us Fähler meistens gar nüt druus
Ich ha chli Müeh mit sogenannte Regle
ich passe mängem nid so is Konzäpt
ich cha nid jasse und ich cha nid chegle
aber schissebach: Ich ha gläbt !
Hätt ein en tumme Latz und zieht e Schnuute
wird ich nid grad vermckt, ich weiss efang:
Ich ha dä tumm Cheib blos e paar Minute
dä sälber hät sich jo e Läbe lang
3. Ich nimme en Aalauf we de gröschti Springer
und merke z‘spoot, dass d‘Richtig gar nid stimmt
Ich gib em Tüüfel gern de chliini Finger
und bi-n-erstuunt, wänn er di ganz Hand nimmt.
Ich bi nid immer fröhlich ums Verworge
e chliini Truurigkeit törf au mol sii
Ich ha - gelinde gseit - chli Müeh am Morge
defür dänn znacht, do bin ich voll debii
Ich bi nid immer und zu allne ehrlich
Ich lies mer die, wo's wärt sind, lieber uus
de Säge vo de Mehrheit isch entbehrlich
ich halt's au ohni Sittewächter uus
4. Ich gääb nüt zrugg, kei einzi gi Sekunde
ich ha trotz allne Stürm i däre Walt
am Änd vom Rägeboge öpper gfunde
wo meh zellt wene Chischte Määrli-Gält
En Teil isch groote, s'ander isch i d'Binse
und trotzdäm, wänn mich Eine frooge wüür,
ich glaub, ich seiti mit me breite Grinse:
Wännt mich fröögsch: NOMOLL ! |