| lyric | 1. Us Stunde werded Iohr
es Gwitter wird zum warme Räge
Und ""möglich"" isch etz ""wohr""
me redt etz, ohni öppis z'säge
Es grossi Übergfühl vo doo
hett etz chli Bode übercho
Zum Glück hebt hi und da en Struuss
au über s'Wuchenändi uus
Us Stunde werded Johr
2. E Skizze wird zum Bild
de Wächtig blooset d'Pfarbe troche
Me tuet doch nümme wild
und d'Räucherstäbli sind verreche
Me isch nümm gar so absolut
und trännt, wa wichtig isch, vom Chruut
Uf blindi Liebi pfiift me druff
und macht zum mindschte ei Aug uff
E Skizze wird zum Bild
3. Es gitt scho mol e Ziit
do wott eim d'Gwohnet überrunde
Me rännt doch nümme wiit,
dänn wa me wott, da häppme gfunde
Me schiebt en Riegel vornedraa
leit geischtig Huuspantoffle aa
De einzig Wunsch am Oobig spoot
isch, dass eim mom nid schlächter goot
Es gitt scho mol e Ziit
4. Ich schriib mer's hinders Ohr:
Ich wett nid nach em Schema läbe !
Und nimmer möglichscht vor
nid numme a de Gwohnheit z‘chläbe
Und fallt Dir mini Trägheit uff
dänn gisch mer eifach gschnäll en Puff
Dänn an für d'Sälpferstäntlichkeit
bruuchts ein, wo öppe tanke seit
Ich schriib mer's hinders Ohr !
Ich schriib mer's hinders Ohr ! |