| lyric | 1. Auf 'm Wasa graset d'Hasa,
ond em Wasser gamebt d’Fisch.
Lieber will igar koi Schätzle,
als en sona Fledrawisch.
2. Gang mer weg mit Sametschühla,
gang mer weg mit Bändela!
Bauramädla sem mer lieber
als so Kaffeebembela.
3. Mueder, muescht mer, schla mers Blechle!
Dürleshosa macha lau,
daß i au so Dürleshosa
wie der Herr Brovieser hau.
4. Mon i hau mei Schätzle gnomma,
hot mei Mueder grausig tau,
hot mi bei de Auhra gnomma,
d’Schtiega-n-abe pfludra lau.
5. Sag du no zu deira-n-Alda,
sui soll mi passiera lau,
i werd scho mei Schatz verhalda,
sell werd sui en Dreck angau.
6. Hender meiner Schwiegermueder
ihrem graußa Hemmelbett
leit a ganzer Sack voll Sechser,
wann i no die Sechser hätt!
7. Hender meinem Schwiegervader
seinem graußa Sekretär
schtoht a dicker Eichaknüppel,
wann do net der Knüppel wär.
8. Mon i hau no kratzt ond bissa,
hot mi wella koina küssa;
seit i nemma kratz ond heiß,
krieg i d’Küßla dutzedweis.
9. Kloine Kügela muaß mer gießa,
wenn mer Vögela schießa will;
schöne Mädla muaß mer kiesa,
wenn mer schöne Weibla will. |