| lyric | 1. Passand daspera l'ur dal god sulet,
bain tard aint per la not,
vuschs misteriusas tras il s-chür dudit:
almaint? mnatscha? suspir? dalöntsch.
2. Sch’eir festinand giaiva plü schass,
cun mai la temma tgnaiva pass,
unind al batter da meis pet
l’eco d’ün chaminar suspet dalöntsch.
3. Eu füt pür quaid cura ch’ardaint
sunar dudit ün sain cuntschaint,
e tras il s-chür, prüvada, glüm
vezzet glüschir da meis cumün dastrusch. |