| lyric | 1. L'inviern quel ais ün hom da flà,
nus temma dad inguotta.
Ha musculs sco atschal tamprà,
ais pront a mincha luotta.
Da flours e splers e chant dûtschè
nu’s fa el bler landroura.
Bavandas chodas, punsch e tè
nu po’l nemain star oura.
2. Ma cur las vuolps lur üerlas fan
dal fraid e da la bligna,
ils homens marvs in stüva stan,
las femnas davo pigna.
Cur flüm e lai sun dschets e fier,
scruschind sch’inchün ils passa,
qua ha’l seis gust da vegl guerrier,
e ria cha el squassa.
3. El ha al pol settentriun
in ferm chastè sa dmura,
ma eir in Scizrr’ ün pavigliun,
per far sur stà la cura.
Uschè ais el cul fraid e’l vent bod qua,
bod là ch’el regna.
Fradgliaints, quels han dad el spavent,
ma nus brich, pür ch’el vegna. |