| lyric | 1. Sur not, sco ün jast lönch spettà
cun brama da tuott’ la chasada o naiv!
a la fin tü est-quà,
cuvernast l’intera vallada!
2. Fingià malpaziaints ils puobets
lur jouslas van strind jod’ charpainta,
mattans e mattungs fan progets:
Schlittradas, latt milch e marenda!
3. Ils vegls pro la pigna:
„Be plan“ els dischan „Tuot vain a si’ ura!“
al sgür suot la naiv uoss’ els san
durmir la racolta futura! |