| lyric | 1. Co batt' il cour aint in meis pet
plü ferm, plü spert dal grand dalet,
volvand l’ögliada vers il munt
cun glüm blauaintt’ intuorn seis frunt,
la granda glüsch sublima.
2. Eu cun arsaja traiva aint
dal bass la puolvra e’l tschimaint.
Vezzet cumbat. Che’m dschettast tü
pürischma glüm dals munts la sü,
tü granda glüsch sublima?
3. Sch’eir fat da grand cun tai nu m’ha,
pajais dilet, eu t’ha amà.
In tuot meis esser e pensar
la glüm dals munts tü poust chattar,
la granda glüsch sublima.
4. Che per ma patria fetsch eu bain
avant chi’m lovan in seis sain?
Che poss la dar sco ultim dun?
Ün pled? O forsa ’na chanzun?
na pitschna glüsch sublima! |