| lyric | Vers igl cunfegns las colonnas sa movan.
Nigna fanfara, silenzi da bara,
rot digl tloc, tloc da tgavals segl cement.
Sen en barcung sa sianta las larmas
ena blondigna tgi vei spir battaglias,
vei curdas egn’ na balla an front!
Ella saggetta l’amprema granata:
Possa mureir igl culpant da la ghera,
oss’ el crappar scu en tgang tiztginto!
Betg smaladeir, te povrina, betg bragia!
Chel cun la balla anfront oz returna,
bitscha las lammas davent digls ties?
Îgls, bitscha las larmas davent digls ties îgls.
Vers igl cunfegns las colonnas sa movan.
Nigna fanfara, silenzi da bara,
rot digl tloc, tloc da tgavals segl cement. |