| lyric | De tut las fontaunas schi claras
e saunas, che ein tier nus da casa,
ei franc strusch ina schi nobla,
schi fina sco quella de Tavanasa.
Si aua frestgonta e clar tarlischonta
ei stada renconuschida dals nobels menaders
e sabis ders schaders,
ch’an fatg sut gl’ischi l’unida.
Ils nobels biadis ha priu lur bubradis
da sia frestg’ aua glischa
dal temps che tempronza
e buna manonza regevan la tiara grischa.
Aunc ussa sgarguglia,
se catscha e buglia,
siu puoz a Tavanasa.
Mo’ls buns menaders
e gests derschaders
han priu lur refugi en casa. |