| lyric | 1. Bap in tschêl, scha mà superbgia
am stuornescha il tscharvè,
grandaschi’ e vanaglorgia
in meis cour pigliesssan pè:
O schi stendscha quellas tridas,
quellas schnöblas paschiuns
cun flagels e cuun pastridas,
cun spinatsch’e scurpiuns;
cha modest e sainza vant
saj’ e resta teis teis infant!
2. Bap in tschêl, scha dusfurtüna,
duolpa estra agen tort,
rumpan forz’ e buna glüna,
tschuncan spranza e cuffort:
O schi dà quell’ energia
chi nu ced’ avant la fin
chi nu guincha da la via,
ed arriv’ a seis destin
quell’ ardur da cumbattant
chi dà forza da da gigant.
3. Bap in tschêl, sch’ün di arriva
l’ultim’ ura da ma sort:
fa, ch’eu cun curaschi driva
mia bratscha a la mort,
ch’in dolur a maltia
eu mantgna quietà
in anguosch’ e ravaschia
eu mantegna dignità.
e ch’eu lascha sün meis nom
la memorgia dad dad ün hom!
|