| lyric | 1. Pür sü cumpagnungs e marchain a l'attacha,
sü tuots cunter quaists Tirolais tant pervers!
guardai là las flammas!
senti co chi sfracha!
Tschanüf il chastè e nos s-chüd el ais pers!
Sü tuots e marchain a cumbat e victorgia!
Salvain nossa patria, l’onur e la glorgia!
2. Uchsè vos valent Bart Gugliem animescha
e qua inavo zuond ingün nun voul star!
els van vers Puntpeidra, els tachan in prescha
la rotscha ladruna che befaa voul far.
Ma ferm’ ais la bratscha e franca la botta
dals Engiadinais per lur patria inluotta!
3. Mazzüch alabarda e stanga e spada
els mainan cun forza süls cheus tirolais,
schnuizi assagli la schurma schlschada
davant tala furia dal pövel offais.
Els fügian els cuorran e passan Martina,
victorgia chanta la brav’ Engiadina. |