| lyric | 1. Loscha pizza, ferma sera,
schlass rampar da noss taragn,
tgira te la patria tgera,
tranter Rhon’ e giuven Ragn,
Per divin e sabi clom
bagn defendas noss sulom.
2. Igl suldo cun la mitraglia
stat segl ot decis e pront,
bada pac orcan, navaglia,
ferm agl agressour fo front.
Cun schluppet, canung e plom
bagn defend’ el noss sulom.
3. Bab an tschiel, do Te la possa
agl suldo tgi stat segl spei,
tg’el, scu la muntogna nossa,
bagn resist’ agl inimei.
Cun ties mang benign e lom,
o, defenda noss sulom. |