| lyric | 1. Cun catter bratschs, te catter pievels
am bratschas, Crousch, an pasch e privels.
Els èn signias cugl ties signal,
crouschaders veirs d’en ideal.
Ord fons flammont scu en barnia
cugl sanc digls noss erox cotschnia,
prueschast, alva Crousch d’amour:
ord rosas cotschnas, alva flour.
2. G’è stitg e stgeir! Orcans smanatschan,
bandieras, sainza crousch, sgulatschan.
Discordia sparta frar da frar!
Vot Cain puspe sies pal smanar?
Tras neivlas rompa, Crousch da gloria,
sclarescha nous tar la victoria.
Noss colms èn dets d’angiramaint
a Te, simbol’ digl spindram aint. |