| lyric | 1. A Porclas hala spada
uniu ils perdavons,
la viarva bein cuntada
uneschi lur affons!
Ilgs vegls luvravan cun spaduns,
ils fegls segidan cun canzuns!
2. Gliez fuv’ in chor da vaglia,
che stava spel Mundaun,
semtgaus a dar battagli,
a sponder vi siu saung.
Il tact haveva in barun
mussau ad el cun siu spadun.
3. E quellas leu, che stavan
a Porclas sil portal
e gl’inimitg dustavan,
cantavan buca mal:
Cun miedi ault, sonor e clar
il cuors, d’en prighel segidar.
4. Mo gnarv’ ed harmonia
ha gliez concert mussau,
cu tuts encompagnia
a Porclas han cantau.
Aunc mai han ins udiu tunond
in chor viril e mixt semgliont.
5. Si, muossa la fermezia,
artada dals babuns,
ti chor de Val Lumnezia,
cun spada e canzuns!
Sopran ed alt e bass, tenor
formesch in chor unius da cor. |