| lyric | 1. Min Brüeder isch de allergschiidscht,
das fallt eim sofort uf
Well er ganz gschiid driiluegt
und dänn au no ganz gschiid schnuuft
Min Brüeder, dä hät s’gröschte Hirni
uf de ganz4e Wält
Das merkt mer well er schwätze cha
und nöd numme bällt.
Refrain:
er meint er segi schaurig gschiid
Er meint er seg de schtärchscht wo’s git
Er meint er seg de aller gröscht
Aber da hät er sich tüüscht.
2. Min Brüeder isch de schtärchscht wo's git,
wänn d'glaubsch was er verzellt
Er hät ganz älei en Schtier uf en Laschtwage gschtellt
De Schtier isch allerdings nur winzig und us Plastik gsi
Und sin Schpiilzüüg-Tiertransporter isch au ehner chlii
Er meint er seg schaurig gschiid - min grosse BrüederEr meint er seg de schtärchscht wo's git - min grosse BrüederEr meint er seg de allergröschtAber da hät er sich tüüscht
3. Min Brüeder isch de allerschönscht,
das gsehsch em sofort aa
Er hät Freud wänn er drüü Schtund
cha vor em Schpiegel schtah
Ich glaub er überleit was er
a sim Gsicht ändere chönnt
Er wartet dass en Bart wachst
oder sini Püggel gönd
Wänn öpper meint sin Brüeder seg de tümmscht
und s'gäb kän blödere meh
Dänn chan ich nur zur Antwort gäh,
da sötted er mal mine gseh
Er meint er seg de Chef
und seg bi allem d'Nummere 1
Debii isch er doch nur en Aff
wo alles besser weiss
|