| lyric | 1. Wonich uf em Schuelwäg über s'Brüggli ggloffe bin
Han ich gseh im Bach da schmümmt es chliises Büsi drin
Ich ha’s müesse go rette, es isch am vertrinke gsi
Leider isch mer dänn mi Thek is Wasser gfloge dadebii
Also guet die Gschicht tönt komisch
Merkt ja jede, was da los isch
Refrain:
Ich hab d’Uufzgi nöd gmacht
Lieber gschpillt geschter znacht
Hüt am morge schpaat verwacht
D’Uufzge nöd gemacht.
2. En Räuber hät mi überfalle hüt am morge früe
Ich bi devogrännt und ich han en abghänkt irgendwie
Mis Rächnigshefl mues uf de Flucht an Bode gfloge sii
Und us em gliiche Grund hani au s'Turnzüüg nöd debii
Also guet die Gschicht tönt komisch
Merkt ja jede, was da los isch
3. Uf de Schuelreis hät de Lehrer zabig grauehaft pressiert
Mir sind vom Schiff cho und sind dänn zum Bahnhof ue marschiert
De Lehrer hät verzellt, er känn de Fahrplan ganz genau
Und zwei Schtund schpöter hät er gseit, es heg vilicht en Schtau
Also guet die Gschicht tönt komisch
Merkt ja jede, was da los isch |