| lyric | 1. Wänni au en Riise Schplise
i mim Fingerbeeri ha
Ich tu gar nöd gross degliiche,
dä wird sälber usegah
Ich fang nöd so gschnäll aa brüele,
ich bi tapofer wänn’s mues sii
Blaui Fläcke chammer chüele,
und au Büüle gönd verbii.
Refrain:
Aber öppis git’s da sägi:
Ich mach nöd mit, das git Schriit,
alles andere verträgi,
aber das gaht tüütlichz’wiit,
Ich han e grosses Muul,
das lahni mir nöd eifach lah näh.
Drum gahni nöd zum Zahni,
well suscht tuet’s mer nachher weh.
2. Ich ha kei Angscht vor am Impfe,
das isch nötig hie und da
Über das wiII ich nöd schimpfe,
welI's eim s'Läbe rette cha
Gäge mängs cha mer sich schütze.
wämmer s'Gägemittel kännt
Mängisch chan e Schprùtze nütze,
au wänn's wehtuet im Momänt
3. Bim Tschuute cha's mal vorcho,
dass es us Versehe richtig chlöpft
Well au mängisch öpper schtatt
de BöIIe s'Schiibei tüpft
Wänn's au hie und da es Foul git,
dass me Bluet hat a de Schue
Ich mach trotzdem meischtens au mit,
well das ghòrt halt au dezue |