| lyric | 1. Underhalb vom Matterhorn isch öppis passiert
Es gaht um Läbe oder Tod, es pressiert
Es isch öpper abgschtürzt und hät sich verletzt,
dä sött dringend zum Tokter und zwar jetzt
Refrain:
Ändlich chunnt de Rettigshelikopter,
flüügt mit Vollgas uf eus zue
Zäh Meter über eusne Chöpf schtoppt er,.
und mit de Seilwinde ziend’s eus ue.
2. Bim Böötlifahre ufem See isch es Gwitter cho
Euses Boot isch umkippt und triibt devo
Mir schwümmed gäge s'Ufer mit letschter Chraft
Es isch no wiit, mir händ's no lang nöd gschafft
3. Mängisch träumi Sache, wo sich nöd jede getraut
Zum Biischpiil hani mal am König sini Chrone klaut
Ich riite gschnäll devo demit uf mim schwarze Hängscht
Am König sini Riiter holed uf, ich han Angscht
4. D'Namitäg bim Lehrer Pfischter sind e Qual
Langwiiligi Drüüegg zeichne mit em Lineal
Uf de Millimeter gnau, als chäm's druffa
Da würd me sich am liebschte us de Schtund entfüehre lah |