| lyric | 1. Im Büro vo de Füürwehr sitzt en alte Füürwehmaa
Er wartet uf es Telefon, dass er cha go lösche gah
Es hät i sinre Nöchi scho lang käs Füür meh gha
Und de alti Füürwehrmaa hät gar kei Freud da dra
2. Jetzt ische rmit em Füürwehrauto trotzdem underwägs
Wüssed-er wieso? Also guet, ich säg’s
Drüü Schtraasse wiiter gäg de Wald ue brännt e Schüür
Das hät de Füürwehrmaa grad vorhör sälber gleit das Füür
Refrain:
Am Füürwehrmaa hät sis Gschwür weh tah,
es hät en zwickt im Buuch
De Füürwehrmaa hät müesse gah,
go lösche mit em Schluuch
Das isch s’beschte Mittel gsi, gäg sis Magegschwür
Er hät nüüt meh gschpürt vom Gschwüür
bimne grosse Füür.
3. De armi alti Füürwehrmaa dä hat es Magegschwüür
Es git kä Medizin wo nützt, und seg sie no so tüür
Drum zündt er, wänn’s em wehtuet, mängisch sälber öppis aa
Dass er nachhär mit em Schiuuch de Brand go lösche cha
4. Wänn s'Füür glöscht isch, dänn sind immer alli Füürwehrmanne froh
Dänn gönd’s no ihre Turscht go lösche und das gaht eso
Siebe Bier und vierzäh Schnäps fürjede Füürwehrmaa
Und dadevo hät mänge scho es Gschwüür im Mage gha
5. Die Gschicht vom Füürwehrmaa isch eigentlich nöd richtig wahr
Er hat gar käs Magegschwür, es geht em wunderbar
Was söll dä ganzi Schwindel? Mir chönd nüüt defür
Ihr müend zuegäh «Füür» riimt sich superguet uf «Gschwüür» |