| lyric | 1. Bim Banhof schtaht bim Wurschtschtand
mängisch ganz en ticke Rocker
Er schimpft ume und trinkt Bier,
all Viertelschtund eis locker
Es paar Lüüt händ chli Angscht vor däm,
aber mir isch’s gliich
Ich weiss ja, was er gärn hät:
Vanillepudding, gnau wie’n cih
Refrain:
Alli Rocker händ gärn Zucker,
drum sind Rocker meischtens tick
Mängisch müend’s sogar zum Tokter,
wo’s in Wald go tschogge schickt.
2. Wänn öpper immer gfürchig tuet,
dänn sött me nöd verschrecke
Au en Rocker mues go poschte
und cha sich deet nöd verschtecke
Me gseht em i sis Chörbli ie,
deet hät's nöd numme Bier
Me gseht dass er sich au no
sehr für Süesses intressiert
3. Jede Mänsch hät e Verdauig,
das gilt au für Rocker
Und wänn er Durchfall hät,
dänn wäscht er nöd nur sini Socke
Me gseht en ohni Hose
vor de Wöschufhänki schtah
Und sini Zäh, die butzt er
mit Erdbeer-Zahpaschta
4. Wänn öpper immer gfürchig tuet,
dänn sött me das nöd glaube
Au de gfürchigscht Räuber
cha nòd immer Lüüt uusraube
Mägisch mues er öppis ässe,
mängisch Iiit er chrank im Bett
Und mängisch isch er eifach froh,
wänn öpper mit em redt |