| lyric | 1. Miu cor a ti vi jeu surdar,
o Jesus mia flur;
a ti vi jeu quel presentar,
prend po si per honur;
miu cor sei tes perfetgamein,
il tiusei mes compleinamein,
il Tiu e’l miu sei mo in cor,
o Jesus mia flur.
2. Mo tgi hat tei schi mal salvau,
o Jesus mi schi car;
tgi ha po tei talmein sfurzau
da tiu tschiel bandunar?
La forza gronda dell’ amur
ha fatg vegnir tei endolur,
mo per carezia dil puccont
vegnius eis in affon.
3. Cun tut il cor tegn jeu tei car,
o biala glisch dil mund,
tei vi jeu mai, mai emblidar,
schi ditg sco jeu viv’sil mund;
en tiu pursepi meter vi miu cor
sper tei sco in tschupi,
Miu cor a ti vi presentar,
o Jesus, miu schi car.
4. Jeu sun uss tes, sun ca pli mes,
o Jesus mia flur;
miu cor has priu e jeu il tiu,
tgei trost i tgei honur,
quei che ti has, dai quei a mi,
quei che jeu hai, dun jeu a ti;
cor olm’ e tgierp, bein e honur
prend po si per amur. |