| lyric | 1. Wenn am Vieri d'Schuel us isch,
freut sich Gross und Chlii,
Aber leider isch dä Chrampf
no nöd ganz verbii.
Denn jetzt wärded zerschtemo
Huusufgabe gmacht.
Und wenn endli fertig bisch,
git’s ja grad scho z’Nacht.
Ref.:
Die blöde Ufzgi mached mi verruckt.
die Choge Arbet isch es, wo mi druckt.
I gieng vill leber i d’Schuel uf Ehr,
wenn nu die choge Ufzgimacherei nöd wär.
2. Ame schöne Summertag,
wenn’s so richtig heiss isch,
und au ’s chlinschti Ärbetli
scho en grosse Steiss isch.
Wenn denn all go bade gönd,
han i nonig frei.
Das i jetzt mues Ufzgi ha,
isch de letschti Schrei!
3. Wenn’s im Winter gschneiet hät,
alles goht uf d’Schii,
wär i doch, das isch jo klar,
halt so gärn debii.
Aber üsen Lehrer hät
gar kei Musigghör.
Dä weiss nöd, wie wunderschön
's ohni Ufzgi wär. |