| lyric | 1. Is wo a Landl, nät z'groß und nöt z'kloan;
åba für uns akrat recht, wiar i moan,
’s Lånd håt vier Viertl, sunst wars jå nöt gånz,
und wo ’s di hindrahst, a nieds volla Glånz.
Dass d’nöt lång råtn muasst, Brüaderl, i nenns:
Dös is mein Österreich unter der Enns.
2. Mostviertl Iåcht wiar a Kinderl im Tram;
rundum dö Bau’rnhöf, dö blüahradn Bam.
Ötscher und Sunntåberg stengan in Ruah,
guckan in Leut ban Arbatn zua.
Woaßt, wo dös Fleckerl is? - Brüaderl, i kenns:
Dös is mein Österreich unter der Enns.
3. Enta da Donau, Bua, schau nur recht gnau,
rinnan dö Wasserl wia Diarndlaugn blau.
Wåld gibt’s und Stoana viel: Åba dö Leut .
håm an da Hoamat eahn Stolz und eahn Freud.
Woaßt, wo dös Fleckerl is? - Brüaderl, i kenns:
Dös is mein Österreich unter der Enns. |