| lyric | In sa stüv' al ur del let,
dad anguoscha plain il pet,
tschaint' al debel cler da glüna
giuvna mamma sper la chüna.
Gia sun' il sain, il sain da not,
e nos bap, nos bap non vain il bod?
«Ais sül cuolm a far la ruotta,
non savains pü d'el ünguotta!»
Che stratemp per tuotta not,
naiv' e sbischa, tschêl ais ruot,
chasa trembla che pisser
e che anguoscha!
Suord cling' il sain da di.
«E nos bap nun tuorn' el pü?»
Glieud aus oura a'l tscherchar.
«Segner lascha'ls salvs tuornar!»
Sün la schliesa suot ün pan
arrivand quiet e plan,
mainan quel chi han chattà
in lavina stanschentà.
Sul cling' il sain da mort?
Tschuncha spranza e cufort!
Be l'infant in sia chüna
ri' e guard' il cler da glüna. |