| lyric | Daspera'l chamin eu tschantaiva;
il fö eira quasi stüzzo,
duos chöttels la tschendra zuppaiva;
il di eira bod tramunto.
Dadour spessa plövgia crudaiva,
il tschüvel del vent lamenus.
Dad esser dalöntsch m'increschaiva,
la plövgia crudaiva sgrischus!
Daspera'l chamin eu tschantaiva;
ils chöttels sun tschendra dvantos,
in tschendra la spraunza crudaiva,
darcho da revair meis amos. |